Bondia wa Tanzania thomas mashali amefali dunia baada ya kuzaniwa mwizi huko kiwalani nakuweza kupigwa hadi kufa na wananchi

                                                                  wafungwa wa kenya                                                                  

Ni habari iliyo njema kwa muziki wa Tanzania pale unapoona mwimbaji wake anaalikwa kwenda kutumbuiza kwenye taifa ambalo sio taifa linalotumia lugha ya Kiswahili lakini muziki wa bongofleva umeweza kupenya.

Mwimbaji Diamond Platnumz wa Tanzania alialikwa kwenda kutumbuiza Malawi Ijumaa ya weekend hii na hata yeye mwenyewe amefurahishwa na mwitikio wa Malawi kwenye muziki wake.

Diamond ameandika ‘Licha ya Mvua kunyesha na kuharibu stage na system yote muziki lakini mliamua kuvumilia na kunisubiria kuanzia usiku hadi saa kumi na mbili asubuhi nilipopanda na kuanza show yangu…‘

‘Imefanya niwapende na kuwathamini kuliko mliyofikiria MALAWI…shukran sana kwa mapenzi yenu kwangu, natumai Show mliifurahia…tukutane tena wakati mwingine……NIGERIA see you this weeknd‘ – Diamond

Ikiwa leo ni October 25, 2016, Rais John Pombe Magufuli anatimiza mwaka mmoja tangu alipopigiwa Kura na wananchi wa Tanzania na kumchagua kuwa Rais wa awamu ya tano wa Jamhuri ya Muungano wa Tanzania. Jarida linalofanyia tafiti watu maarufu na shughuli wanazozifanya la Forbes, limetangaza watu wanaowania tuzo ya Mtu Maarufu wa Mwaka.

Forbes wamemtaja Rais Magufuli kama kiongozi ambaye amefanikiwa kuongeza kiwango cha uchumi wa nchi yake huku akishindana na watu wengine kama Michael Le Roux ambaye ni muanzilishi wa Capitec Bank nchini Afrika Kusini, Benki ambazo zimeonekana kuwa rahisi zaidi kutumika na wananchi wa Afrika Kusini.
Wengine ni Thuli Madonsela, Ameenah Gulib pamoja na watu wa Rwanda.

Anachuana na watu wengine wanne wakiwemo: Rais wa Mauritania, Ameenah Gulib, Mwanzilishi wa Capitec Bank, Michiel Le Roux na Thuli Madonsela wa Afrika Kusini pamoja na watu wa Rwanda. Tuzo hii iliwahi kutolewa pia kwa mtanzania Mohamed Dewji mwaka 2015.
Mtu wangu unaruhusiwa kumpigia kura ya ushindi Rais Magufuli kupitia Hapa. Kumbuka mwisho wa kupiga Kura ni November 17, 2016 na tuzo hiyo itatolewa Nairobi Kenya.

Wakati Watanzania wengi macho na masikio yetu tukiwa tumeyaelekeza kwenye utoaji wa tuzo za MTVMama ambazo zimetolewa Afrika Kusini lakini usiku huo huo wa Oct 22 kuamkia Oct 23 nchini Marekani kulikua pia kukitolewa tuzo ambazo Watanzania wenzetu pia walishiriki.
 Tuzo ambazo zilitolewa marekani zinajulikana kama African Entertainment Awards Usa 2016 (AEA) kitu kizuri na kikubwa ni kwamba Watanzania wenzetu wameshinda pia kwenye tuzo hizo kwenye baadhi ya vipengele.
Kipengele cha Msanii bora anaechipukia kashinda Harmonize,Kipengele cha wimbo bora wa kushirikiana/kushirikishwa umeshinda wimbo wa Zigo wa AY,Kipengele cha DJ Bora ni Dj D Ommy na msanii bora wa kiume kashinda Diamond Platnumz.
Tuzo aliyoshinda Harmonize alikua anashindana na Tekno Miles,Ziza Bafana,Ayo Jay,Missy Bk,Jay Oliver,Den G,Togar  Howard na Ziza Bafana.Tuzo aliyoshinda AY wimbo bora wa kushirikiana alikua akishinda na Nagharamia ya Christian Bella na Alikiba,Woju ya Kiss Daniel akiwa kamshirikisha Davido na Tiwa Savage,Pimpina ya Obrafour akiwa kamshrikisha Bisa Kdei,Porque te amo ya To Semedo akiwa kamshirikisha Boss Ac na wimbo wa Nagode wa Yemi Alade akiwa kamshirikisha Selebobo.
Tuzo aliyoshinda Dj D Ommy alikua akishinda na Dj Tunez,Dj Van,Dj Mensah,Dj Brazao,Dj BossMan na Dj Jimmy Jatt,tuzo ya msanii bora wa kiume aliyoshinda Diamond kipengele hicho alikua na Eddy Kenzo,Wizkid,Mc Galaxy,Nelson freitas,Coreon Du na Master jake.

JIACHIE MUSIC FEATIVAL/Inakuletea/SHAMSILA & RAMSEE/ Ndani ya AUSTRALIA GREEN GARDEN kwa aloyce (maji ya chai ) Kingilio cha 5000/= Getini Lakini kwa Wakala wetu unanunua 3000/=
 Tarehe 19/11/2016 MUDA SAA 7:00 usiku
 Tiketi zinapatikana kwa Wakala . MSUYA SHOP (Kambi ya pili ) MEKI STATIONARY (Njia ngombe stand ) RAS M-PESA (Maji ya chai) KIMARIO SHOP (Maji mpya ) ANORLD SHOP (Sabato stand ) KWA KIBONGE CENTER (Imbaseni Umoja ) Wakisindikizwa na Emma Masai / Ras D / Bad Bero / Wakalizama / More flavour / D stanza na wengine kibao ....... Pia itakuwa birthday party ya Shamsila @shamsila1@iam_hassanmushi@shamsilatz@Designedby Willie Wolfgang

Muswada wa Huduma za Habari (Media Services bill 2016) ni HATARI

Serikali ya awamu ya Tano imewasilisha Bungeni Muswada wa Sheria kutunga Sheria ya Huduma za Vyombo vya Habari. Muswada wa Sheria hiyo sasa upo mbele ya kamati ya Bunge ya Huduma na Maendeleo ya Jamii kwa ajili ya kuchambuliwa na kisha kuwasilishwa Bungeni. 

Kwa mujibu wa kanuni za Bunge, kanuni ya 84 Kamati ya Bunge inawajibika kuutangaza muswada na kupokea maoni ya wadau mbalimbali.

Kwa hakika wadau wa muswada huu ni wananchi Kwa muda mrefu sana Waandishi wa habari na wanazuoni mbalimbali wamekuwa wakitaka kuwepo na sheria ya kusimamia tasnia ya habari. Ninaambiwa kuwa juhudi za kutunga sheria hii ni mchakato wa zaidi ya miaka 20, tangu mwaka 1993 ambapo muswada wa kusajili waandishi wa habari uliondolewa Bungeni baada ya kuwasilishwa na Dr. William Shija wakati ule akiwa Waziri wa Wizara ya Habari na Utangazaji, ambaye sasa ni marehemu. wote kwani haki ya kupata habari ni haki ya kikatiba. Hata hivyo, waandishi wa habari na wamiliki wa vyombo vya habari na mitambo ya kuchapisha magazeti na majarida ni makundi yatakayoathirika moja kwa moja na muswada huu utakapokuwa sheria.
  Hata hivyo, muswada unapelekwa mbio na mwenyekiti wa Kamati katishia kuwa iwapo wadau hawatatoa maoni, Kamati yake itaendelea na kazi zake za kutunga sheria.

Vile vile kumekuwa na kilio kikubwa cha vyombo vya habari kufungiwa kwa kutumia Sheria ya Magazeti ya mwaka 1976 ambayo inampa mamlaka makubwa sana waziri wa Habari. Wananchi wengi na wapenda demokrasia walitarajia kwamba sheria mpya ingeweza kuondoa sheria kandamizi na kuweka uhuru wa vyombo vya habari ipasavyo. Hicho sicho kilicholetwa na Serikali.

Muswada uliopo mbele ya kamati ya Bunge unatoa tafsiri pana sana ya vyombo vya habari. Sehemu ya 3 ya Muswada inatamka chombo cha habari ni pamoja na gazeti, kituo cha radio na televisheni ikiwemo mitandao ya kijamii (online platforms). Muswada unatamka kuwa ni lazima "media house" iwe na leseni maalumu kwa ajili kufanya kazi na waandishi wa chombo hicho ni lazima waandikishwe kwenye chombo kiitwacho Accreditation Board (Bodi ya Ithibati).

Iwapo sheria hii itatungwa maana yake ni kwamba mtandao kama wa jamiiforums utapaswa kuandikishwa na watu wote wanaotoa maoni yao kwenye mtandao huo lazima wawe na ithibati! Haitaishia hapo, bali hata blogs nk zitapaswa kuandikishwa kama ilivyo magazeti. Hatua hii itaminya sana uhuru wa watu kupata habari na kupashana habari. Hata uhuru wa kujieleza utaminywa sana kupitia mitandao ya kijamii.

Muswada unataka kuwepo na sheria ya Serikali kuamua vyombo vya habari viandike nini na vitanagze nini. Sehemu ya 7(1)(b)(iv) inatamka wazi kwamba Waziri anaweza kuagiza chombo chochote cha habari cha binafsi kutangaza habari Fulani au masuala Fulani yenye umuhimu kwa Taifa.

Itakumbukwa kwamba muswada uliopita ambao ulikataliwa ulitaka ifikapo saa mbili usiku televisheni na radio zote ziungane na TBC kutangaza taarifa ya habari. Kifungu hiki ndio kitatumika kufanya suala hilo kwa amri ya Waziri. Kifungu hiki pia kinampa Waziri wa Habari mamlaka ya kuelekeza chombo cha habari kutotoa habari Fulani kwa utashi wa Waziri. Ni dhahiri kuwa huu ni ukiukwaji mkubwa sana wa uhuru wa habari na kuwa kikwazo kikubwa kwa kazi za waandishi.

Kwa kutumia kifungu hiki Waziri wa Habari anaweza kuagiza magazeti yote yasiandike habari za IPTL Tegeta Escrow na Waziri atakuwa ndani ya sheria.

Muswada pia unampa Waziri wa Habari mamlaka ya kutoa Masharti ya Kazi za vyombo vya habari (Terms and Conditions). Hii inatia nguvu kifungu hicho hapo juu kuhusu maelekezo ya habari za kutolewa na kutotolewa na vyombo vya habari.

Muswada huu umerudisha vifungu vyote kandamizi vilivyopo kwenye sheria ya magazeti ya mwaka 1976. Kwa mfano kifungu cha 54-56 kinampa Waziri haki ya kutamka kwamba gazeti Fulani au kitabu Fulani kisisambazwe nchini au kuzalishwa nchini.

Kwenye masuala mengine Mkurugenzi wa Habari Maelezo na Jeshi la Polisi linaweza kuingia kwa nguvu na kuchukua mitambo inayozalisha magazeti kwa sababu tu gazeti hilo limechapisha habari ambayo kwa maoni ya Serikali ni habari za kichochezi.

Muswada umetafsiri uchochezi kuwa ni pamoja na kuandika au kutangaza mambo ambayo yanaweza kutafsiriwa kuwa yanaleta chuki ya wananchi dhidi ya Serikali. Kwa kutumia kifungu hiki, mbunge wa upinzani akihutubia na kuonyesha ufisadi Serikalini, sheria hii inaweza kutumika kufuta vyombo vya habari vilivyoandika au kutangaza habari hiyo.

Kwa ufupi, huu ni muswada mbaya kuliko sheria ya magazeti ya sasa. Huu muswada unairudisha nchi nyuma katika juhudi za kujenga Taifa lenye Haki na wajibu. Ni sheria kandamizi ambazo kama Jaji Francis Nyalali angekuwa hai angeijumuisha katika sheria 40 kandamizi.


Serikali ya awamu ya Tano imeamua kujenga Taifa lenye giza. Rais Magufuli ameamua kukataa kata kata kuhojiwa na kukosolewa kwa kuhakikisha kuwa anavibana vyombo vya habari nchini.

Nilipata kusema huko nyuma kwamba, Serikali ikishamaliza kuvibana vyama vya upinzani itavibana vyombo vya habari. Utabiri ule umetimia kupitia sheria ya huduma za habari inayoelekea kutungwa na Bunge la Jamhuri ya Muungano wa Tanzania.
  Kabwe Z. Ruyagwa Zitto
  Oktoba 20, 2016
 Dodoma

Jeshi la Polisi mkoani Tanga kwa kushirikiana na kitengo cha operesheni na mafunzo kutoka makao makuu ya jeshi hilo   Dar es Salaam, limewaua watu wawili wanaodhaniwa kuwa ni majambazi   walipojibizana kwa risasi. Wakati wa tukio hilo  Oktoba 18 mwaka huu

Mimi mmiliki wa blog hii itwayo (Mo DadyTv => Mohamedydady1.blogsport.com) napenda kuwa kalibisha ktk blog yangu hii nina imani mtafalijika na kupata habari na matukio ambayo yanaendelea hapa Tanzania na sehemu nyinginezo    

                                                                                                     karibuni by
                                                                                               Mohamedydady1@gmail.com

Serikali ya wanafunzi wa chuo kikuu cha Dar Es Salaam, imewataka wanafunzi wa mwaka wa kwanza kutosaini fedha za malipo ya mkopo wa kujikimu hadi hapo serikali itakapokuja na majibu.

Rais wa serikali hiyo Erasmi Leon, akitoa msimamo wa Serikali ya wanafunzi wa UDSM amesema wanapinga mfumo mpya wa HESLB ambao unawapa mkopo wanafunzi kulingana na daraja na kwamba wanafunzi wa mwaka wa kwanza hawatasaini fedha hizo mpaka pale kasoro hiyo itakaporekebishwa.

Imebainika kwamba,utaratibu mpya wa kutoa fedha za kujikimu kwa mwanafunzi kulingana na asilimia ya mkopo, ulioanzishwa na serikali mwaka huu wa masomo,umesababisha baadhi ya wanafunzi kupewa Sh. 350/= kama fedha ya kujikimu kwa siku, tofauti na mwaka jana ambapo wanafunzi wote wenye mikopo walikuwa wakipewa Sh. 8,500/= kwa siku.

Erasmi amesema wana kila sababu ya kusikilizwa na wakinyimwa nafasi watachukua hatua nyingine zaidi.

Benchi la ufundi Simba limemrudisha katika kikosi cha kwanza mshambuliaji Laudit Mavugo katika pambano la leo ligi kuu dhidi ya Mbao FC.
Mavugo alianzia benchi katika michezo miwili mfululizo iiliyopita dhidi ya Mbeya City na Kagera Sugar ambayo mshambuliaji mwenzake, Frederic Blagnon alipewa nafasi ya kwanza.
Kikosi kamili: Vicent Angban, Janvier Bokungu, Mohamed Hussein, Juuko Murshid, Method Mwanjale, Jonas Mkude, Ramadhan Kichuya, Mzamiru Yassin, Shiza Kichuya, Ibrahim Ajib, Mwinyi Kazimoto.
Akiba: Manyika Jr. Andi Banda, Said Ndemla, Novalty Lufunga, Emmanuel Simwanza, Mohamed Ibrahim, Frederic Blagnon.

Mwenyekiti wa Chadema Taifa Freeman Mbowe amelaani vikali tabia ya wakuu wa wilaya na mikoa nchini kuingilia mamlaka zisizo zao.

 

 Kiongozi huyo alikuwa alikuwa akizungumza na wanahabari mjini Arusha mara baada ya kuhudhuria kesi ya Rufaa ya aliyekuwa mbunge wa Longido Onesmo Ole Nangole.

 Kiongozi huyo wa upinzani bungeni ameonya na kulaani tabia ya mkuu wa mkoa wa Arusha akishirikiana na wakuu wake wa wilaya kudhalilisha madiwani wa Chadema bila sababu.

 Mwenyekiti huyo amesema viongozi hao wa kuteuliwa wamekuwa wakitengua maamuzi ya vikao halali vya mabaraza vya madiwani kihuni na bila sababu za msingi ati kwa vile tu mabaraza hayo yanaongozwa na Chadema.

 Mwenyekiti huyo amesema posho ambazo zinalipwa madiwani zilipitishwa na Baraza la madiwani wa CCM wakitaka kubadilisha posho hizo Mkuregenzi wa Jiji la Arusha anatakiwa kuwapatia madiwani waraka unatakiwa kutoka ofisi ya Tamisemi.

 Kiongozi huyo mkuu wa upinzani nchini ameagiza wanasheria wa chama kuchukua hatua mara moja dhidi ya wakuu wa mikoa na wilaya wanaofanya vitendo vinavyokiuka maadili ya kazi zao.